كورس ICT للصف الثالث الإعدادي عربي – لغات

هو إيه حكاية مادة الـ ICT دي؟

بصراحة… دي من أهم المواد اللي الطالب محتاج يتعلمها عملي، مش يحفظها علشان الامتحان وبعد كده ينساها.

خصوصًا في الصف الثالث الإعدادي، الطالب المفروض يكون وصل لمرحلة إنه مش بس يعرف مصطلحات الكمبيوتر والإنترنت والبرمجة، لكن يبدأ يستخدم التكنولوجيا بنفسه ويفهم هي شغالة إزاي.

المشكلة بقى إن اللي بيحصل في أماكن كتير غير كده خالص.

الطالب يقعد يحفظ مصطلحات وتعريفات وخطوات…

ويحفظ السؤال وإجابته…

لكن لو قعد قدام الكمبيوتر وطلبت منه يطبق اللي حفظه، تلاقيه مش عارف يبدأ منين.

المهم عند ناس كتير إننا نجيب الدرجة، ونشوف اللون الأزرق في الشهادة، وخلاص.

بس اسأل نفسك…

• إيه فايدة إن ابنك يجيب الدرجة الكاملة وهو مش عارف يطبق اللي درسه؟
• إيه فايدة إنه يحفظ خطوات برنامج وهو مش عارف يستخدمه؟
• إيه فايدة إنه يحفظ كود برمجي وهو مش فاهم الكود بيعمل إيه؟
• إيه فايدة إنه يحفظ خطوات حل المشكلة وهو مش عارف يحل مشكلة بنفسه؟

يبقى كده إحنا دفعنا فلوس علشان درجة…

وضيعنا فرصة كان ممكن الطالب يتعلم فيها مهارة حقيقية تفضل معاه سنين.

علشان كده إحنا قررنا نعملها بشكل مختلف.

هنشرح نفس المنهج… لكن عملي.

يعني الطالب مش هيتفرج علينا وإحنا بنشتغل…

هو اللي هيشتغل بإيده.

• لما نتعلم برنامج… هنفتحه ونستخدمه.
• لما نتعلم خطوة… هننفذها على الكمبيوتر.
• لما نتعلم مفهوم جديد… هنشوفه قدامنا عملي.
• لما نتعلم برمجة… هنكتب الكود ونشغله ونشوف النتيجة.
• ولما تظهر مشكلة أو Error… مش هنخاف منها، هنتعلم نفهم سببها ونصلحها.

يعني مفيش:

احفظ السؤال… احفظ الإجابة… ادخل الامتحان… وبعد الامتحان انسى كل حاجة.

إحنا عايزين الطالب يفهم – يطبق – يجرب – يغلط – يصلح – ويتعلم.

عارفين إن الدرجة النهائية أهم حاجة عندك

ما تقلقش… هندربه على جميع أشكال أسئلة الامتحان.

إحنا مش بنقول إن الامتحان مش مهم.

بالعكس…

هدفنا إن الطالب يفهم ويطبق ويجيب الدرجة كمان.

يعني هندرس المنهج المطلوب، ونحل تدريبات وأسئلة، ونتدرب على شكل الامتحان، لكن من غير ما نحول مادة الكمبيوتر لمادة حفظ.

محتوى الكورس

• هنتعلم إزاي نفكر في المشكلة قبل ما نبدأ نحلها.
• هنقسم المشكلة الكبيرة لخطوات صغيرة نقدر نتعامل معاها بسهولة.
• هنتعلم التفكير المنطقي وترتيب خطوات الحل.
• هنتعلم يعني إيه Algorithm وإزاي نكتب خطوات واضحة لحل المشكلة.
• هنحول الأفكار والخطوات النظرية لتطبيقات عملية على الكمبيوتر.
• هنتعلم أساسيات البرمجة بطريقة بسيطة وممتعة.
• هنكتب أكواد بإيدينا بدل ما نحفظ أكواد جاهزة.
• هنشغل الكود ونشوف النتيجة قدامنا.
• هنتعلم إزاي الكمبيوتر بينفذ الأوامر خطوة بخطوة.
• هنتعرف على Variables واستخدامها في تخزين البيانات.
• هنتعامل مع أنواع مختلفة من البيانات داخل البرامج.
• هنتعلم استخدام العمليات الحسابية والمنطقية داخل البرامج.
• هنتعلم إزاي البرنامج يقدر ياخد قرار بناءً على شرط معين.
• هنطبق عملي على الجمل الشرطية Conditions.
• هنتعلم إزاي نخلي مجموعة أوامر تتكرر بدل ما نكتبها كل مرة.
• هنتدرب عملي على فكرة Loops والتكرار.
• هنتعلم إزاي ندخل بيانات للبرنامج ونعرض النتائج للمستخدم.
• هنعمل برامج صغيرة تجمع أكتر من فكرة اتعلمناها مع بعض.
• هنتعلم نقرأ الكود ونفهم كل سطر بيعمل إيه.
• هنتعلم نتوقع نتيجة الكود قبل ما نشغله.
• هنتعلم نكتشف الأخطاء الموجودة في الكود.
• هنتعلم الفرق بين أنواع الأخطاء اللي ممكن تقابلنا أثناء البرمجة.
• هنتعلم إزاي نصلح الأخطاء Debugging بدل ما نبدأ الكود من جديد.
• هنتدرب على التفكير المنطقي وحل المشكلات من خلال أنشطة عملية.
• هنطبق المفاهيم الموجودة في المنهج على أمثلة من الحياة اليومية.
• هنتعامل مع الكمبيوتر والملفات والبرامج بصورة عملية أثناء الكورس.
• هنتعلم إزاي نستخدم الإنترنت للوصول للمعلومة اللي محتاجينها أثناء التعلم.
• هنتعلم إن البحث عن حل جزء أساسي من شغل أي مبرمج.
• هنستخدم أدوات التكنولوجيا والذكاء الاصطناعي بشكل صحيح للمساعدة في التعلم وحل المشكلات.
• هنتعلم إن الذكاء الاصطناعي يساعدنا نفهم ونبحث، مش يعمل الشغل مكاننا وإحنا ننسخه.
• هننفذ أنشطة عملية بعد كل جزء من المنهج.
• هنحل تدريبات تشبه أفكار وأسئلة الامتحانات.
• هنتدرب على الأسئلة النظرية والعملية.
• هنتدرب على الامتحانات الإلكترونية وطريقة التعامل معاها.
• هنراجع المنهج بالكامل قبل الامتحان.
• وهنربط كل اللي اتعلمناه مع بعض في تطبيقات عملية تساعد الطالب يفهم المادة بدل ما يحفظها.

البرمجة مش أكواد تتحفظ

البرمجة طريقة تفكير.

علشان تتعلمها صح لازم:

تفكر → تحلل → تجرب → تغلط → تعرف سبب الغلط → تصلحه → وتجرب تاني.

وده بالضبط اللي الطالب هيتعلمه معانا.

هدفنا في نهاية الكورس مش إن الطالب يقول:

“أنا حافظ المنهج.”

هدفنا إنه يقول:

“أنا فاهمه… وعارف أطبقه بإيدي.”

وفي نفس الوقت يكون مستعد كويس للامتحان ويقدر يحقق أعلى درجة ممكنة.

للتفاصيل والحجز

01063646048