استعد تشوف ابنك بشكل جديد
لطلاب المرحلة الإعدادية عربي ولغات
أول كورس في مصر بيخلّي ابنك يتعلم الإنجليزي والـ Science والـ ICT…

تخيل معايا…
ابنك داخل كورس واحد، يطلع منه فاهم الكمبيوتر والإنجليزي والـ Science في نفس الوقت!

هتقولي إزاي؟

ببساطة… إحنا خدنا منهج الـ ICT اللي أغلب الطلبة شايفينه أصعب مادة، واللي بيتذاكر بالحفظ زي الطلاسم… وحولناه لتدريب عملي على الكمبيوتر.

يعني بدل ما يقعد يحفظ خطوات وهو مش فاهم بيعمل إيه… هيشتغل بإيده، ويطبق، ويجرب، ويتعلم مهارة هتنفعه بعد المدرسة كمان.

طيب والإنجليزي والساينس دخلهم إيه؟

أهو ده بقى اللي بيميز الكورس.

إحنا الأنشطة والمشاريع اللي الطالب هيشتغل عليها على الكمبيوتر… معمولة من نفس منهج الإنجليزي والـ Science المقرر عليه.

يعني وهو بيطبق على الكمبيوتر…

هيلاقي نفسه حفظ كلمات الإنجليزي من غير ما يقعد يصم.
هيستوعب الجرامر وهو بيستخدمه.
هيفهم دروس الـ Science بطريقة عملية.
وفي نفس الوقت يكون خلص منهج الـ ICT وهو مستمتع.

إحنا بنعمل ده إزاي؟

أهو ده السر اللي مش هنقدر نقوله هنا علشان الفكرة جديدة ما حدش ياخدها

اللي يهمك في الآخر إنك هتلاقي ابنك:

• حافظ مفردات الإنجليزي المقررة عليه.
• فاهم الجرامر بدل ما يكون حافظه.
• مستوعب منهج الـ Science.
• متقن منهج الـ ICT اللي كان عامل له أزمة.

والأهم من كل ده…

ابنك مش هيذاكر علشان ينجح وبس.

هيبقى بيفكر…
وبيبحث…
وبيحلل…
وبيجرب…
وبيغلط ويتعلم…
وبيبدع.

يعني هيتحول من طالب همه يحفظ كام صفحة قبل الامتحان… لطالب بيعرف يتعلم بنفسه.

وطبعًا اللون الأزرق اللي كل ولي أمر بيستناه في الشهادة… هيبقى نتيجة طبيعية لأنه فهم، مش لأنه حفظ.

إحنا مش بنحفظ المنهج… إحنا بنخلي الطالب يعيش المنهج.
وده الفرق اللي هتحسه من أول أسبوع.